Havnar Bio - Bannari
Forsíða Skrá Lýsingar Tíðindabræv Leigan av høli Filmsfelagið Komandi filmar
Filmsrulla 1
Filmsrudda 2


Filmsfelagið

Annanhvønn mikudag fer Havnar Bio undir heitinum Filmsfelagið at sýna nýggjar filmar, sum eru listaliga áhugaverdir. Úti i heimi verður hetta slagið av filmum onkuntíð nevnt art house filmur.

Sjálvandi er ymiskt, hvat ein biografgangari og ein annar halda verða listaliga áhugavert og viðkomandi, men Havnar Bio fer við átakinum Filmsfelagið at royna seg við eini miðsøkjandi leið, sum annan vegin savnar áskoðarar og hin vegin gevur atgongd til film, sum ikki verður settur á vanligu skránna.

Havnar Bio hevur heitt á Birgir Kruse, sum var formaður í gamla Filmsfelagnum, at sleppa at brúka heitið og at velja filmar við ráðgeving frá filmshugaðum. Upprunaliga felagið varð stovnað í okkara hølum, Havnar Bio, í 1962 undir navninum Filmslistafelagið. Hetta felagið sovnaði í 1975. Í 1984 varð felagið endurstovnað sum Filmsfelagið og helt sær til 1992, oftast við sýningum í Leikhús Bio í Sjónleikarhúsinum.

Nú verður Filmsfelagið endurstovnað í samráð við táverandi nevnd undir sama heiti og tí einfalda endamáli at vísa listaliga viðkomandi filmar í Havnar Bio. Filmarnir verða sýndir einaferð og altíð mikudag.

Skráin hjá Filmsfelagnum verður kunngjørd í góðari tíð á hesi síðu, eins og galdandi er fyri allar aðrar filmar í Havnar Bio. Vælkomin í Filmsfelagið!


Komandi filmar

Havnar Bio - Tinghúsvegur 8 - 100 Tórshavn - Tlf.: 31 19 56 - Teldupostur: bio@bio.fo
Forritað av Limberg Michelsen - Sniðgivin av Bergur Dalsgaard - Útgáva 2.2